Hali
hiyo imepelekea wanafunzi wa shuleni hapo kuiomba serikali kusikia kilio chao na
kuwajengea choo kitakachokidhi idadi ya wanafunzi waliopo kwa kuwa hivi sasa wanapata
usumbufu mkubwa wakati wa kujisaidia
kwani wanapanga foleni kusubira huduma hiyo.
Aganda
Alex Daudi pamoja na Doto Manyama ni wanafunzi shuleni hapo wameeleza kwamba wanakumbwa
na usumbufu mkubwa kwa upungufu wa matundu ya vyoo kwakuwa mara nyingi wanafunzi
wamekuwa wakipanga foleni kusubiri wenzao wamalize kujisaidia ndipo na wao wapate
huduma hiyo.
Naye
Mwalimu Mkuu wa shule hiyo Elias Supira amekiri kuwepo kwa upungufu huo wa
matundu ya vyoo na kueleza kwamba mwaka jana walikuwa na matundu sita vyoo
vilivyokuwa vikitumiwa kwa wasichana na matundu manne kwa wavulana, ambapo baadae
ya wasichana yalibomoka hivyo yakabaki ya wavulana pekee.
Amesema
changamoto hiyo wameshalitolea taarifa kupitia kamati ya maendeleo ya kata
lakini mpaka sasa halijafanyiwa kazi licha ya kwamba suala hilo linaweza kupelekea
shule hiyo kufungwa kwa tahadhari ya usalama wa afya ya wanafunzi na jamii
inayoishi katika eneo hilo.
Kwa
upande wake Mwenyekiti wa kamati ya maendeleo ya kata ya Nansimo ambae pia ni
diwani wa kata hiyo bwana Sabato Mafwimbo amesema changamoto hiyo ni hatari na
inaweza kusababisha shule kufungwa huku hasara kubwa ikiwa ni kwa wazazi na
wanafunzi wanaosoma shuleni hapo, hivyo amewaomba wazazi watakapoombwa
kuchangia maendeleo ya ujenzi wa choo shuleni hapo watowe ushirikiano.
Hata
hivyo kwa upande wa wananchi wa kata hiyo, wamesema kuwa watakuwa tayari
kushirikiana na serikali kumaliza changamoto hiyo.
Aidha
changamoto ya ukosefu wa matundu ya vyoo katika shule mbalimbali halmashauri ya
mji na wilaya ya bunda bado ni tatizo kubwa kwani hivi karibuni mjini hapo
shule moja ya msingi ilifungwa kwa siku 14 kwa kukosa choo.
No comments:
Post a Comment