HALMASHAURI
ya wilaya ya Kibiti, Mkoani Pwani, imetenga kiasi cha sh. bil 5.3 kwa ajili ya
ujenzi wa makao makuu ya wilaya hiyo yanayojengwa na SUMA JKT, ujenzi ambao upo
hatua ya kuchimba msingi.
Aidha
imetenga sh. bil. 2.4 kwa ujenzi wa daraja kubwa la kuunganisha eneo la Mbuchi
na Mbwera lenye urefu wa mita kumi.
Akizungumzia
baadhi ya utekelezaji wa masuala ya miundombinu,maji,chakula na mifugo, makamu
mwenyekiti wa halmashauri hiyo, Yusuph Mbinda ,alisema pia wametenga mil.969.1,
zitakazotumika katika ujenzi wa daraja la Mwake lenye urefu wa mita 40 .
Mwenyekiti
huyo ,alisema miradi yote ipo katika hatua za mwanzo za ujenzi na unaendelea.
Pamoja na
hayo,alisema wakandarasi wanafanya utafiti wa vyanzo vya uchimbaji visima
katika vijiji mbalimbali lengo likiwa kuwaondolea kero ya ukosefu wa maji
wananchi,mradi utakaogharimu mil.319.2.##
Mbinda
alitaja ,vijiji vinavyotarajia kunufaika na mpango huo kuwa ni Nyamisati,
Mtunda, Mchungu, Mahege na Kivinja A.
Vingine ni
Ruma, Mlanzi, Mjawa, Nyakinyo, Kilula, Tambwe, Bumba Msoro na Miwaga/Ngulakula.
Mbinda
alielezea, kupitia utekelezaji huo unaosimamiwa na ilani ya Chama Cha Mapinduzi
(CCM), baada ya kukamilika kwa mradi huo utaendana na upatikanaji wa maji.
Alisema
hatua hiyo itasaidia kuongeza idadi ya watumiaji wa huduma hiyo kutoka wateja
24,581 sawa na asilimia 65 mpaka kufikia 122,648 sawa na asilimia 85.
Katika
hatua nyingine ,Mbinda alisema hali ya chakula ni nzuri, na kwamba hiyo
inatokana na wananchi kujikita zaidi katika kilimo cha kisasa cha mazao ya
chakula na biashara ikiwemo mpunga, mahindi, ufuta, muhogo na korosho.
“Pamoja na
changamoto ya soko la zao kuu la biashara, upande wa korosho kutokana na ubora
wake, bado tunaimani kupitia ilani ya Chama Cha Mapinduzi tutaweza kuwasaidia
wananchi wetu kujikwamua kupitia kilimo hicho,” alieleza.
Mwenyekiti
huyo alisema, mwaka wa 2017/2018 Kibiti pekee imezalisha tani 5,430,667 kutoka
tani 3,713,163 mwaka 2016 sawa na ongezeko la asilimia 46.25 ya uzalishaji wa
zao hilo.
Akizungumzia
suala la mifugo, alisema wilaya inakadiriwa kuwa na ng’ombe 44,739, mbuzi 5,368
na kondoo 3,517 huku vijiji 19 kati ya 58 vimetenga maeneo ya malisho baada ya
mpango wa matumizi bora ya ardhi, jumla ya hekta 21,984.79 zimetengwa kwa ajili
ya malisho .
Mbinda
alisema ,halmashauri hiyo inaendelea na zoezi la upigaji chapa mifugo .
No comments:
Post a Comment